AI News
  • Актуелно
  • Анализа
  • Истрага
  • Приказна
  • Свет
  • Хроника
No Result
View All Result
AI News
  • Актуелно
  • Анализа
  • Истрага
  • Приказна
  • Свет
  • Хроника
No Result
View All Result
AI News
No Result
View All Result
Ковачевски бара отчет за затворените училишта, Јаневска вели дека никој не останал без работа

Ковачевски бара отчет за затворените училишта, Јаневска вели дека никој не останал без работа

ДЕСК коректив.мк by ДЕСК коректив.мк
November 18, 2026
in Актуелно
Summarize with ChatGPTShare to Facebook

Пратеникот од СДСМ, Димитар Ковачевски, побара конкретни податоци за ефектите од оптимизацијата на училишната мрежа, затворањето и спојувањето на паралелките, како и за прераспределбата на наставниот кадар. Министерката за образование и наука Весна Јаневска одговори дека реформата е насочена кон подобрување на квалитетот на образованието и уверуваше дека ниту еден наставник не останал без работа.

На денешната собраниска седница, Ковачевски праша колку училишта и паралелки се затворени или споени во учебната 2026/2027 година, колку ученици биле префрлени во други училишта и дали за нив е обезбеден бесплатен и безбеден превоз. Тој побара и информации за растојанијата што децата сега ги поминуваат до училиштата, како и за условите во кои ја следат наставата.

Според него, намалувањето на бројот на училишта и паралелки не значи автоматски и подобро образование, па побара од Министерството да покаже дали реорганизацијата навистина ги подобрува условите за учениците или првенствено ги намалува трошоците на образовниот систем.

Ковачевски отвори и прашања за наставниците опфатени со оптимизацијата, односно колку од нив се прераспределени на други работни места, колку се во постапка на доквалификација или преквалификација и дали има наставници чиј работен статус сè уште не е решен.

Одговарајќи на прашањата, Јаневска рече дека оптимизацијата и воведувањето едносменска настава се мерки за поквалитетно образование, за чие спроведување Министерството има поддршка од УНИЦЕФ. Таа посочи дека е направена анализа на вишокот паралелки и наставници и дека е изработен план за реорганизација на училишната мрежа.

Министерката информираше дека во земјава има вкупно 1.023 училишни објекти, од кои 914 се основни училишта, а едносменска настава е воведена и во 37 објекти во средното образование.

– Точно е дека затворивме уште околу 33 училишта затоа што нема првачиња. Но, кога децата од мали групи ќе се префрлат во поголеми, имаат повеќе можности да се дружат, да се натпреваруваат и да создаваат емотивни врски – рече Јаневска.

Во однос на наставниот кадар, министерката не посочи конкретни бројки за прераспределените наставници, но нагласи дека никој не останал без работа и дека нема да има трансформација на работните односи. Нови вработувања, според неа, ќе има само таму каде што постои реална потреба, а како пример го посочи Скопје.

– Во минатото образованието, а веројатно и некои други сектори, служело за купување социјален мир. Тоа го правеле сите влади во минатото. Нема да има трансформација, а нови вработувања ќе има само таму каде што е неопходно – рече Јаневска.

Таа посочи дека посетила неколку училишта во кои учениците биле префрлени во други објекти, за да провери како се одвива наставата. Како пример го наведе Долни Балван, од каде што децата продолжиле да учат во поголемо училиште во друго село.

Јаневска рече дека од разговорите со учениците и наставничката се уверила дека тие се задоволни од новите услови, но додаде дека сè уште е рано да се оценуваат ефектите од оптимизацијата врз квалитетот на образованието.

– Треба да заврши учебната година за да го анализираме ефектот врз квалитетот на образованието – истакна министерката.

Ковачевски, пак, најави дека дополнителни прашања ќе достави и во писмена форма, а како клучен показател за успешноста на реформата го посочи подобрувањето на знаењата на учениците, вклучително и резултатите од меѓународните ПИСА-тестирања.

Tags: весна јаневскадимитар ковачевскизатворањеобразованиеотчетреформасдсмучилишта
SummarizeShare234

Related Stories

„Сам одлучив“ – обвинетиот за палењето на бугарските возила призна вина

Укинат притворот на потпалувачот на дипломатските возила: Призна вина, има малолетно дете и бил коректен пред судот

by ДЕСК коректив.мк
November 18, 2026
0

Судот му го укина притворот на Игор Дашковски Стојановски, кој призна вина за палењето на двете дипломатски возила пред бугарската амбасада, па правосилноста на пресудата ќе ја чека...

„Ниту една повеќе!“ најави нов протест и блокада пред Владата

„Ниту една повеќе!“ најави нов протест и блокада пред Владата

by ДЕСК коректив.мк
November 18, 2026
0

Неформалната иницијатива „Ниту една повеќе!“ најави протест против фемицидот, насилството врз жените и институционалната неодговорност, кој ќе се одржи в петок, 20 ноември, со почеток во 13 часот...

Сакскобурготски: Историските спорови да им се остават на историчарите, Северна Македонија да влезе во ЕУ

Сакскобурготски: Историските спорови да им се остават на историчарите, Северна Македонија да влезе во ЕУ

by ДЕСК коректив.мк
November 18, 2026
0

Поранешниот бугарски премиер и последен бугарски цар, Симеон Сакскобурготски, смета дека историските прашања меѓу Бугарија и Северна Македонија треба да им се препуштат на историчарите, додека политичарите треба...

Корабоски на 27 ноември ќе седне на обвинителна клупа за нападот врз Сара

Корабоски на 27 ноември ќе седне на обвинителна клупа за нападот врз Сара

by ДЕСК коректив.мк
November 17, 2026
0

Судскиот процес против 31-годишниот Кристијан Корабоски, обвинет за нападот врз 26-годишната Сара Ѓорѓиеска од Охрид, е закажан за 27 ноември. Обвинителството го товари за три кривични дела –...

Коректив.мк

Коректив.мк е независен истражувачки медиум посветен на јавниот интерес. Ја следиме работата
на властите и институциите, го истражуваме влијанието на моќните поединци и деловни структури
и откриваме злоупотреби што му нанесуваат штета на општеството. Нашата улога е да бидеме
коректив на моќта — да проверуваме, да преиспитуваме и да бараме одговорност.
Веруваме дека јавноста има право да знае како се носат одлуките, како се трошат јавните пари и
чии интереси стојат зад постапките на оние што располагаат со моќ. Затоа поставуваме прашања
и тогаш кога одговорите се непријатни, а молкот им одговара на влијателните.

Follow us

Став

Кого штити Народната банка?

Кого штити Народната банка?

November 3, 2026
„Парадоксот на Диоген“, 65 години подоцна

PHP2Shell и ПИОМ: што значи кога податоците на граѓаните се изложени на ризик?

October 27, 2026

Не пропуштајте

ВИДЕО| Жени го обвинуваат советникот на Груевски – Сем Вакнин дека е сексуален предатор и лажен психотерапевт

September 14, 2026
(ВИДЕО) Жителите на неготинско Пепелиште револтирани оти секој ден снемуваат струја – од ЕВН велат дека птици го преоптоваруваат далекуводот

(ВИДЕО) Жителите на неготинско Пепелиште револтирани оти секој ден снемуваат струја – од ЕВН велат дека птици го преоптоваруваат далекуводот

October 22, 2026
  • За нас
  • Кодекс на новинари
  • Импресум
  • Контакт
  • Маркетинг

© 2026 коректив.мк. Сите права се задржани.

Powered by CookieAdmin
Necessary cookies enable essential site features like secure log-ins and consent preference adjustments. They do not store personal data.
None
Functional cookies support features like content sharing on social media, collecting feedback, and enabling third-party tools.
None
Analytical cookies track visitor interactions, providing insights on metrics like visitor count, bounce rate, and traffic sources.
None
Advertisement cookies deliver personalized ads based on your previous visits and analyze the effectiveness of ad campaigns.
None
Unclassified cookies are cookies that we are in the process of classifying, together with the providers of individual cookies.
None
Powered by CookieAdmin
No Result
View All Result
  • Актуелно
  • Анализа
  • Истрага
  • Приказна
  • Свет
  • Хроника

© 2026 коректив.мк. Сите права се задржани.