Силен земјотрес со магнитуда од 7,1 степени по Рихтер го погоди јужниот дел на Јапонија, соопшти Јапонската метеоролошка агенција. Земјотресот го погоди Кумамото, околу 900 километри југозападно од Токио.
Издадено е предупредување за цунами, објави Агенцијата Франс прес. „Индипендент“ објави дека е издадено предупредување за бранови до еден метар. Јапонската агенција соопшти дека земјотресот бил со највисока можна магнитуда, седум степени според јапонската Шиндо скала.
Јапонската влада издаде итно предупредување за можни нови земјотреси за Кумамото, Нагасаки, Кагошима, Фукуока, Сага, Оита и Мијазаки, сите на јужниот јапонски остров Кјушу, објави Ројтерс.
BREAKING A strong 7.1-magnitude earthquake hit southern Japan on Tuesday, the Japan Meteorological Agency said, issuing a tsunami alert.
The tremor also measured at the highest possible level seven on Japan’s own Shindo scale of shaking, the agency said pic.twitter.com/WlHEyRXihR
— AFP News Agency (@AFP) July 28, 2026
На луѓето што живеат во крајбрежните области им е наредено да се евакуираат.
„Морето и крајбрежните области се опасни. Ве молиме веднаш да го напуштите крајбрежното подрачје. Исто така, додека не се укине предупредувањето, не влегувајте во морето ниту се приближувајте до брегот“, се вели во предупредувањето.
Железничкиот оператор JR Kyushu, исто така, ги суспендираше сите линии, вклучувајќи ги и брзите возови Шинкансен.
Kyushu Electric Power соопшти дека не се откриени неправилности во нуклеарните централи Сендај и Генкаи.
Американскиот центар за предупредување од цунами во Пацификот соопшти дека нема ризик од цунами надвор од Јапонија.
Нема дополнителни детали за повредени или материјална штета.
