Регулаторната комисија за енергетика (РКЕ) донесе одлука за нови цени на нафтените деривати, со која бензините поевтинуваат, а дизелот и екстра лесното масло за домаќинство поскапуваат.
Од 20 октомври на полноќ, цената на ЕУРОСУПЕР БС-95 ќе изнесува 96 денари за литар, додека ЕУРОСУПЕР БС-98 ќе се продава по 98 денари за литар. Двата бензина поевтинуваат за 2,50 денари за литар.
Од друга страна, цената на ЕУРОДИЗЕЛ ќе се зголеми за два денари и ќе изнесува 99 денари за литар. За два денари поскапува и екстра лесното масло за домаќинство, чија нова цена ќе биде 110,50 денари за литар.
Поскапува и мазутот. Неговата малопродажна цена се зголемува за 1,837 денари за килограм и ќе изнесува 53,579 денари.
