Претседателот на Соединетите Американски Држави (САД), Доналд Трамп, потпиша извршна наредба со која се одложува спроведувањето на новиот, сеопфатен пакет санкции против Русија, објаснувајќи му на Конгресот дека оваа одлука е во национален интерес, пренесува Н1.
Трамп лично го потпиша законот минатиот месец, а неговиот потег вчера дојде само два дена пред законскиот рок за негово спроведување.
Законот, именуван по починатиот сенатор од Јужна Каролина, Линдзи Греам, имаше за цел побрзо да го запре протокот на средства што ја поттикнуваат војната во Украина.
Целта на пакетот беше да се лиши рускиот претседател Владимир Путин од ресурсите што ѝ се потребни на Москва за да ја продолжи војната во Украина, како и да се санкционираат руските функционери, банките и „флотата во сенка“ од танкери што продолжуваат да испорачуваат руски енергетски резерви до нивните дестинации.
Русија со балистички ракети го нападна Киев, погодена клучна електрана, загинати најмалку тројца
На Трамп му беше наложено и да воведе царини до 100 проценти за петте најголеми увозници на руска нафта или природен гас, со исклучок на земјите што увезуваат помалку од 15 проценти од извозот на руски гас и презедоа значајни чекори за намалување на тој увоз.
Белата куќа не објасни како суспензијата на санкциите е во национален интерес откако одлуката беше објавена на нејзината веб-страница доцна во ноќта.
Трамп минатата недела постигна изненадувачки договор во кој рече дека Русија веднаш ќе испорача повеќе од 300.000 тони дизел, по што ќе следат дополнителни 500.000 тони во ноември и уште еден милион тони „веднаш потоа“.
Договорот за дизел гориво на Трамп со Путин предизвика остри критики и од републиканците и од демократите, кои веруваат дека тоа ќе ѝ помогне на Русија да започне војна против Украина.
