Правната, институционалната и медиумската јавност се простува од Нури Бајрами, кој почина на 66-годишна возраст. Зад себе остави богата професионална кариера како правник, новинар и поранешен заменик-претседател на Државната комисија за спречување на корупцијата (ДКСК).
Бајрами беше дел од раководството на Антикорупциската комисија во периодот од 2019 до февруари 2024 година, кога активно учествуваше во работата на институцијата и во постапувањето по предмети поврзани со висока корупција Во текот на својот мандат беше препознаен по професионалниот пристап, посветеноста и залагањето за владеење на правото и зајакнување на институционалниот интегритет.
Покрај ангажманот во ДКСК, неговата кариера опфати и значајни позиции во јавната администрација. Работеше во Генералниот секретаријат на Владата и во Министерството за правда, а речиси една деценија беше главен уредник на ТВ2, оставајќи белег и во македонското новинарство.
Веста за неговата смрт ја соопшти неговото семејство, Колеги, пријатели и соработници се збогуваат со човек кој целиот свој професионален живот го посвети на унапредувањето на транспарентноста, законитоста и одговорното функционирање на институциите.
